Зурвас хэрхэн ажилладаг вэ

ᠲᠠᠨ᠎ᠤ ᠪᠢᠴᠢᠭᠰᠡᠨ᠂ ᠲᠠᠨ᠎ᠳᠤ ᠢᠷᠡᠭᠰᠡᠨ ᠵᠤᠷᠪᠤᠰ᠂ ᠬᠡᠨ᠎ᠲᠡᠢ ᠬᠡᠵᠢᠶ᠎ᠡ ᠪᠢᠴᠢᠯᠴᠡᠭᠰᠡᠨ᠎ᠢ ᠪᠢᠳᠡ ᠬᠠᠳᠠᠭᠠᠯᠠᠬᠤ ᠪᠥᠭᠡᠳ ᠵᠥᠪᠬᠡᠨ ᠲᠠ ᠬᠣᠶᠠᠷ᠎ᠲᠤ ᠬᠠᠷᠠᠭᠤᠯᠬᠤ᠂ᠤᠩᠰᠢᠭ᠎ᠠ ᠦᠭᠡᠢ ᠵᠤᠷᠪᠤᠰ ᠬᠡᠨ᠎ᠡᠴᠡ ᠬᠡᠳᠦ ᠢᠷᠡᠭᠰᠡᠨ᠎ᠢ ᠴᠠᠬᠢᠮ ᠰᠢᠤᠳᠠᠨ᠎ᠢᠶᠠᠷ ᠮᠡᠳᠡᠭᠳᠡᠬᠦ᠂ ᠭᠣᠮᠤᠳᠠᠯ ᠭᠠᠷᠭᠠᠭᠰᠠᠨ ᠵᠤᠷᠪᠤᠰ᠎ᠢ ᠮᠠᠨ᠎ᠤ ᠠᠵᠢᠯᠲᠠᠨ ᠰᠢᠢᠳᠪᠦᠷᠢᠯᠡᠬᠦ᠎ᠳᠦ ᠠᠰᠢᠭᠯᠠᠨ᠎ᠠ᠃ ᠫᠷᠣᠻᠦ᠋ᠷᠣᠷ᠎ᠤᠨ ᠵᠥᠪᠰᠢᠶᠡᠷᠡᠯ ᠡᠰᠡᠪᠡᠯ ᠰᠢᠭᠦᠬᠦ᠎ᠶᠢᠨ ᠰᠢᠢᠳᠪᠦᠷᠢ ᠦᠭᠡᠢ᠎ᠪᠡᠷ ᠪᠤᠰᠤᠳ᠎ᠲᠤ ᠥᠭᠬᠦ ᠦᠭᠡᠢ᠃Таны бичсэн, танд ирсэн зурвас, хэнтэй хэзээ бичилцсэнийг бид хадгалах бөгөөд зөвхөн та хоёрт харуулах, уншаагүй зурвас хэнээс хэд ирснийг цахим шуудангаар мэдэгдэх, гомдол гаргасан зурвасыг манай ажилтан шийдвэрлэхэд ашиглана. Прокурорын зөвшөөрөл эсвэл шүүхийн шийдвэргүйгээр бусдад өгөхгүй.

ᠵᠤᠷᠪᠤᠰ᠎ᠤᠨ ᠵᠢᠷᠤᠭ᠎ᠢ ᠵᠤᠷᠪᠤᠰ᠎ᠲᠠᠢ ᠠᠳᠠᠯᠢ ᠬᠠᠳᠠᠭᠠᠯᠠᠵᠤ᠂ ᠵᠥᠪᠬᠡᠨ ᠲᠠ ᠬᠣᠶᠠᠷ᠎ᠲᠤ ᠬᠠᠷᠠᠭᠤᠯᠤᠨ᠎ᠠ᠃ ᠬᠠᠳᠠᠭᠠᠯᠠᠬᠤ᠎ᠠᠴᠠ᠎ᠪᠠᠨ ᠡᠮᠦᠨ᠎ᠡ ᠵᠢᠷᠤᠭᠲᠤ ᠪᠢᠴᠢᠭᠳᠡᠭᠰᠡᠨ ᠭᠠᠵᠠᠷ᠂ ᠴᠠᠭ᠂ ᠲᠥᠬᠦᠭᠡᠷᠦᠮᠵᠢ᠎ᠶᠢᠨ ᠮᠡᠳᠡᠭᠡᠯᠡᠯ᠎ᠢ ᠠᠷᠢᠯᠭᠠᠨ᠎ᠠ᠃ ᠵᠤᠷᠪᠤᠰ᠎ᠲᠤ ᠪᠢᠴᠢᠭᠰᠡᠨ ᠬᠣᠯᠪᠤᠭᠠᠰᠤ᠎ᠶᠢᠨ ᠻᠠᠷᠲ᠎ᠢ ᠮᠠᠨ᠎ᠤ ᠰᠧᠷᠸᠧᠷ ᠲᠤᠬᠠᠢ᠎ᠶᠢᠨ ᠰᠠᠢᠲ᠎ᠠᠴᠠ ᠠᠪᠳᠠᠭ ᠲᠤᠯᠠ ᠲᠡᠷᠡ ᠰᠠᠢᠲ ᠲᠠᠨ᠎ᠢ ᠪᠢᠰᠢ᠂ ᠵᠥᠪᠬᠡᠨ ᠮᠠᠨ᠎ᠤ ᠰᠠᠢᠲ᠎ᠢ ᠬᠠᠷᠠᠨ᠎ᠠ᠃Зурвасын зургийг зурвастай адил хадгалж, зөвхөн та хоёрт харуулна. Хадгалахаасаа өмнө зурагт бичигдсэн газар, цаг, төхөөрөмжийн мэдээллийг арилгана. Зурваст бичсэн холбоосын картыг манай сервер тухайн сайтаас авдаг тул тэр сайт таныг биш, зөвхөн манай сайтыг харна.

GIF ᠬᠠᠢᠬᠤ ᠦᠶ᠎ᠡ᠎ᠳᠦ ᠲᠠᠨ᠎ᠤ ᠪᠢᠴᠢᠭᠰᠡᠨ ᠦᠭᠡ᠂ ᠮᠥᠨ ᠲᠠᠨ᠎ᠤ ᠳᠠᠷᠤᠵᠤ ᠨᠡᠭᠡᠭᠡᠭᠰᠡᠨ GIF ᠲᠠᠨ᠎ᠤ ᠬᠥᠲᠦᠴᠢ᠎ᠡᠴᠡ ᠰᠢᠭᠤᠳ ᠠᠮᠧᠷᠢᠻᠠ᠎ᠶᠢᠨ KLIPY (Kikliko, Inc.) ᠻᠣᠮᠫᠠᠨᠢ᠎ᠳᠤ ᠰᠦᠯᠵᠢᠶᠡᠨ᠎ᠦ ᠬᠠᠶᠢᠭ᠎ᠤᠨ ᠬᠠᠮᠲᠤ ᠣᠴᠢᠬᠤ ᠪᠥᠭᠡᠳ ᠲᠡᠨᠳᠡ ᠲᠤᠰ ᠻᠣᠮᠫᠠᠨᠢ᠎ᠶᠢᠨ ᠨᠢᠭᠤᠴᠠᠯᠠᠯ᠎ᠤᠨ ᠪᠣᠳᠤᠯᠭ᠎ᠠ ᠦᠢᠯᠡᠴᠢᠯᠡᠨ᠎ᠡ᠃ ᠲᠠᠨ᠎ᠳᠤ ᠢᠷᠡᠭᠰᠡᠨ GIF ᠲᠠᠨ᠎ᠢ ᠳᠠᠷᠤᠬᠤ ᠬᠦᠷᠲᠡᠯ᠎ᠡ ᠠᠴᠢᠶᠠᠯᠠᠭᠳᠠᠬᠤ ᠦᠭᠡᠢ ᠲᠤᠯᠠ ᠲᠠ ᠳᠠᠷᠤᠬᠤ᠎ᠠᠴᠠ ᠡᠮᠦᠨ᠎ᠡ KLIPY (Kikliko, Inc.) ᠲᠠᠨ᠎ᠤ ᠲᠤᠬᠠᠢ ᠶᠠᠭᠤ᠎ᠴᠤ ᠮᠡᠳᠡᠬᠦ ᠦᠭᠡᠢ᠃GIF хайх үед таны бичсэн үг, мөн таны дарж нээсэн GIF таны хөтчөөс шууд Америкийн KLIPY (Kikliko, Inc.) компанид сүлжээний хаягийн хамт очих бөгөөд тэнд тус компанийн нууцлалын бодлого үйлчилнэ. Танд ирсэн GIF таныг дарах хүртэл ачаалагдахгүй тул та дарахаас өмнө KLIPY (Kikliko, Inc.) таны тухай юу ч мэдэхгүй.

Тэдгээрийг Лателиэр Гэгэ ХХК хадгална. Асуулт, хүсэлтээ бидэнд бичээрэй. privacy@gege.mn

Зурвас манай сайтыг байршуулдаг Cloudflare компанийн гадаад дахь серверт хадгалагдана.

ᠤᠩᠰᠢᠭ᠎ᠠ ᠦᠭᠡᠢ ᠵᠤᠷᠪᠤᠰ᠎ᠤᠨ ᠲᠤᠬᠠᠢ ᠴᠠᠬᠢᠮ ᠰᠢᠤᠳᠠᠨ᠎ᠢ ᠭᠠᠳᠠᠭᠠᠳᠤ᠎ᠶᠢᠨ Amazon Web Services ᠻᠣᠮᠫᠠᠨᠢ ᠬᠦᠷᠭᠡᠨ᠎ᠡ᠃ ᠲᠡᠭᠦᠨ᠎ᠳᠦ ᠵᠥᠪᠬᠡᠨ ᠬᠡᠨ ᠪᠢᠴᠢᠭᠰᠡᠨ᠂ ᠬᠡᠳᠦᠨ ᠵᠤᠷᠪᠤᠰ ᠢᠷᠡᠭᠰᠡᠨ᠎ᠨᠢ ᠪᠠᠢᠬᠤ ᠪᠠ ᠵᠤᠷᠪᠤᠰ᠎ᠤᠨ ᠦᠭᠡ ᠬᠡᠵᠢᠶ᠎ᠡ᠎ᠴᠦ ᠪᠠᠢᠬᠤ ᠦᠭᠡᠢ᠃Уншаагүй зурвасын тухай цахим шууданг гадаадын Amazon Web Services компани хүргэнэ. Түүнд зөвхөн хэн бичсэн, хэдэн зурвас ирсэн нь байх ба зурвасын үг хэзээ ч байхгүй.

ᠵᠤᠷᠪᠤᠰ᠎ᠢ ᠲᠠ ᠥᠪᠡᠷ᠎ᠢᠶᠡᠨ ᠡᠰᠡᠪᠡᠯ ᠪᠦᠷᠢᠳᠬᠡᠯ᠎ᠢᠶᠡᠨ ᠤᠰᠠᠳᠬᠠᠬᠤ ᠬᠦᠷᠲᠡᠯ᠎ᠡ ᠬᠠᠳᠠᠭᠠᠯᠠᠨ᠎ᠠ᠃ ᠭᠣᠮᠤᠳᠠᠯ ᠭᠠᠷᠭᠠᠭᠰᠠᠨ ᠵᠤᠷᠪᠤᠰ᠎ᠤᠨ ᠬᠠᠭᠤᠯᠪᠤᠷᠢ᠎ᠶᠢ ᠭᠣᠮᠤᠳᠠᠯ᠎ᠢ ᠰᠢᠢᠳᠦᠭᠰᠡᠨ᠎ᠡᠴᠡ ᠬᠣᠢᠰᠢ ᠶᠡᠷᠡᠨ ᠬᠣᠨᠤᠭ ᠬᠠᠳᠠᠭᠠᠯᠠᠨ᠎ᠠ᠃Зурвасыг та өөрөө эсвэл бүртгэлээ устгах хүртэл хадгална. Гомдол гаргасан зурвасын хуулбарыг гомдлыг шийдсэнээс хойш ерэн хоног хадгална.

Зурвас шифрлэгдсэн холболтоор дамждаг ч төгсгөл хүртэл шифрлэгддэггүй. Манай сервер тэдгээрийг уншиж чадна.

ᠲᠠ ᠬᠣᠶᠠᠷ᠎ᠤᠨ ᠨᠢᠭᠡ᠎ᠨᠢ ᠭᠣᠮᠤᠳᠠᠯ ᠭᠠᠷᠭᠠᠭᠰᠠᠨ ᠦᠶ᠎ᠡ᠎ᠳᠦ᠎ᠯᠡ ᠮᠠᠨ᠎ᠤ ᠠᠵᠢᠯᠲᠠᠨ ᠲᠡᠷᠡ ᠵᠤᠷᠪᠤᠰ᠎ᠢ ᠡᠮᠦᠨᠡᠬᠢ ᠠᠷᠪᠠᠨ ᠵᠤᠷᠪᠤᠰ᠎ᠤᠨ ᠬᠠᠮᠲᠤ ᠤᠩᠰᠢᠨ᠎ᠠ᠃ ᠤᠩᠰᠢᠭᠰᠠᠨ ᠪᠦᠷᠢ᠎ᠶᠢ ᠲᠡᠮᠳᠡᠭᠯᠡᠨ᠎ᠡ᠃Та хоёрын нэг нь гомдол гаргасан үед л манай ажилтан тэр зурвасыг өмнөх арван зурвасын хамт уншина. Уншсан бүрийг тэмдэглэнэ.

Бид зурвасыг зөвхөн прокурорын зөвшөөрөл эсвэл шүүхийн шийдвэрээр хууль сахиулах байгууллагад өгнө.

ᠪᠦᠷᠢᠳᠬᠡᠯ᠎ᠢᠶᠡᠨ ᠤᠰᠠᠳᠬᠠᠪᠠᠯ ᠲᠠᠨ᠎ᠤ ᠵᠤᠷᠪᠤᠰ ᠤᠰᠠᠳᠤᠨ᠎ᠠ᠃ ᠭᠡᠬᠦ᠎ᠳᠦ᠎ᠪᠡᠨ ᠭᠤᠴᠢᠨ ᠬᠣᠨᠤᠭ᠎ᠤᠨ ᠲᠤᠷᠰᠢ ᠮᠠᠨ᠎ᠤ ᠥᠭᠭᠦᠭᠳᠡᠯ᠎ᠦᠨ ᠰᠠᠩ᠎ᠢ ᠲᠡᠭᠦᠨ᠎ᠡᠴᠡ ᠡᠮᠦᠨᠡᠬᠢ ᠪᠠᠢᠳᠠᠯ᠎ᠳᠤ᠎ᠨᠢ ᠰᠡᠷᠭᠦᠭᠡᠬᠦ ᠪᠣᠯᠤᠮᠵᠢᠲᠠᠢ᠃ ᠨᠥᠭᠦᠭᠡ ᠬᠦᠮᠦᠨ᠎ᠦ ᠵᠤᠷᠪᠤᠰ ᠲᠡᠭᠦᠨ᠎ᠳᠦ ᠦᠯᠡᠳᠡᠨ᠎ᠡ᠃Бүртгэлээ устгавал таны зурвас устана. Гэхдээ гучин хоногийн турш манай өгөгдлийн санг түүнээс өмнөх байдалд нь сэргээх боломжтой. Нөгөө хүний зурвас түүнд үлдэнэ.

ᠵᠤᠷᠪᠤᠰ᠎ᠤᠨ ᠲᠣᠬᠢᠷᠠᠭᠠᠨ᠎ᠠᠴᠠ ᠬᠡᠨ ᠲᠠᠨ᠎ᠳᠤ ᠰᠢᠨ᠎ᠡ ᠶᠠᠷᠢᠶ᠎ᠠ ᠡᠬᠢᠯᠡᠭᠦᠯᠵᠦ ᠪᠣᠯᠬᠤ᠎ᠶᠢ ᠰᠣᠩᠭᠤᠨ᠎ᠠ᠂ ᠬᠡᠨ᠎ᠳᠦ᠎ᠴᠦ ᠡᠷᠬᠡ ᠥᠭᠬᠦ ᠦᠭᠡᠢ ᠪᠠᠢᠵᠤ ᠪᠣᠯᠤᠨ᠎ᠠ᠃ ᠬᠡᠨ ᠨᠢᠭᠡᠨ᠎ᠢ ᠬᠣᠷᠢᠭᠯᠠᠭᠰᠠᠨ᠎ᠢᠶᠠᠷ ᠲᠡᠭᠦᠨ᠎ᠲᠡᠢ ᠬᠢᠭᠰᠡᠨ ᠶᠠᠷᠢᠶ᠎ᠠ ᠵᠣᠭᠰᠤᠨ᠎ᠠ᠃Зурвасын тохиргооноос хэн танд шинэ яриа эхлүүлж болохыг сонгоно, хэнд ч эрх өгөхгүй байж болно. Хэн нэгнийг хориглосноор түүнтэй хийсэн яриа зогсоно.